Опис

Нобеловецот (1907) Радјард Киплинг во светската литература е познат по своето дело „Книга за џунглата“, сепак, неговото најдобро дело е романот „Ким“. Во романот „Ким“, Киплинг ни го опишува патешествието на тибетанскиот лама што ја бара Реката на просветлувањето, која ќе му овозможи да се ослободи од Тркалото на животот што го оневозможува да излезе од кругот на страдањето и го принудува на повторно раѓање, и сирачето Ким, кое е негов чала (ученик), кој од своја страна го бара Црвениот бик на зеленото поле, според пророштвото на својот веќе покоен татко. Тешко е да се замисли нешто трогателно, повозвишено и посвето од односот на стариот лама кон својот ученик – поради кој на крај се откажува и од можноста да излезе од кругот на страдањето и повторно раѓање за на младиот Ким да му даде љубов и поддршка во животот што е пред него. Зад епохата на безбожноста се враќа големиот копнеж по Небото – Тркалото на животот постојано се врти.