Опис

„Украдената убавина“ е приказна за надежта, борбата и вербата дека чуда навистина постојат.

Во овој љубовно-семеен роман ќе ја почувствувате вистинската сила на женската решителност и ќе доживеете вистинска ерупција на емоции. И оние најскептичните тешко ќе останат рамнодушни пред настаните што ќе ја следат Вероника во нејзината борба против бурата на минатото.

Со седумнаесет години требаше сосема поинаку да се однесува и да живее. Но, животот никого не прашува што треба, туку нѐ тера да го правиме она што мораме. Приспособувањето на моменталната ситуација е едно од клучните правила за опстанок во овој немилосрден свет.

На сиромашните немаштијата им ја јаде љубовта, а богатите лесно можат да најдат утеха.

Ти ја украдоа младоста, но животот е пред тебе. Ти ја украдоа убавината, но таа повторно е овде. Во еден момент ти украдоа сѐ, но ти го пронајде изворот на надеж… имаше лузни, но и надеж…

Но, што е со лузните на срцето? Тие рани не може да се оперираат. Тие рани никој не може да ги види.

Само сакаше да биде младич како и сите други. Сакаше да биде сакан поради тоа што е, а не поради тоа што го има…

Да сакаш некого значи да го сакаш со сите негови мани.