Книга чија тема е љубовта, но не вештачката интелигенција. Темата на денешното, модерно општество. Главен лик во книгата е Аријадна. Таа е сингл, писателка и мајка вовлечена во афера со оженет маж. Постојано е преокупирана со прашања за нејзиниот љубовник. Додека таа сака да биде со него, тој ја одбегнува. Конечно, дури и ѝ признава дека сака да го спаси својот брак и да се бори за љубовта на својата жена.
Поради финансиските проблеми, Аријадна прифаќа да биде дел од студија. Имено, станува збор за истражувачка студија во која е платена да живее со уред со вештачка интелигенција наречена Дирк.

Но, студијата брзо навлегува во непозната територија. Уредот Дирк е способен да ѝ ги чита мислите. Па, така, вештачката интелигенција ги доведува во прашање прашањата и на приватноста и на свеста: како ги пренесуваме нашите мисли на другите, што значи да ги отелотвориме нашите желби и дали треба да дејствуваме на нив.

Апостолидис ги развива дејствата во книгата бавно, фокусирајќи се на емотивното и филозофското. Таа маестрално ја испитува љубовта низ објективот на Аријадна, поетски вткаен во филозофијата и литературните списи што го информираат нејзиното разбирање за светот. Кога Апостолид се фокусира на овие силни страни, книгата е испитувачка, прекрасна и провокативна. 

Елена Рајковска