Description

„Септември“, романот што во 1900 година почнува да се објавува во продолженија (фељтон) во списанието „Servet-i Fünun“, на својот автор му донесе голема слава, а на турската книжевност ѝ го подари првиот успешен пример на психолошки роман. Романот ја зема темата од тогаш мошне популарната забранета љубов. Но, во „Септември“ се настојува љубовта што се проживува да се сочува, без да се фрли сенка врз нејзината невиност и возвишеност. Така започнува речиси тивка врска, во која зборуваат погледите, а музиката е
придружба. Од друга страна, ликовите се наоѓаат во мошне гласен внатрешен свет, исполнет со преиспитување на среќата, љубовта и општествените врски, со страсти, противречности, подеми и падови.