Description

Антон Павлович Чехов (1860 – 1904) е раскажувач, новелист и, секако, најголемиот драмски писател на Русија. Тој извршил големо влијание врз развојот на романот и драмската книжевност во светот.

Меѓу многубројните дела на Антон Павлович Чехов, кои се преведени кај нас и во светот, неговиот роман „Драма во ловот“ претставува единствениот негов криминален роман. Во романот „Драма во ловот“, големиот писател не бара решение на крајот на делото или во заплетот, туку го наоѓа во карактерите на главните ликови во делото, така што внимателниот читател може сам да го пронајде злосторникот, следејќи ги и анализирајќи ги главните ликови во делото „Драма во ловот“.

„Драма во ловот“ е возбудливо литературно дело во кое среќаваме многу негативни ликови што не се обидуваат да му се спротивстават на злото, а доколку такви обиди и се појават, тие остануваат безуспешни.