Description

Не случајно се вели дека човекот сам ја крои својата судбина. Па, така и младата убава Иванка несвесно станува причина за целосниот пресврт на настаните во словенечките гори. Таа, без да сака, се вљубува, а таа љубов ѝ носи неизмерно страдање. Љубовта е најсилното и најчистото чувство, но уште почисто е нејзиното младо и кревко срце, кое одбира да биде повредено наместо да повредува. За тајните што ги кријат словенечките гори и за чувствата што се спротивставуваат во нејзината збунета глава ќе дознаете од страниците на овој прекрасен роман, роман што нѐ учи дека само со достоинственост и со чесност може да бидеме вистински среќни, и ние и другите околу нас.